නළ ළිඳක් තුල අඩි 80 ක් පමණ ගැඹුරේ සිරවී සිටි ඉන්දීය දරුවාගේ දිවි බේරා ගැනීමට සහන කණ්ඩායම්වලට හැකිවී තිබෙනවා. ඒ, පැය 104 කට අධික මෙහෙයුමකින් පසුවයි. මෙහෙයුමට පුද්ගලයින් 500 දෙනෙකු සහභාගී වී සිටියා. රාහුල් සාහු නම් වූ ශ්‍රවණාබාධයකින් ද පෙලුණු මෙම දරුවාගේ වයස අවුරුදු 10 ක්.
ඔහු මෙම අනාරක්ෂිත නළ ළිඳට වැටී ඇත්තේ ඉකුත් ජුනි මස 10 වනදායි.දරුවා බේරාගැනීමෙන් පසු මේ වන විට රෝහල්ගත කර ඇති අතර ඔහුගේ සෞඛ්‍ය තත්ත්වය සම්බන්ධයෙන් දැඩිව අධීක්ෂණය කරමින් සිටින බවයි ඉන්දීය මාධ්‍ය වාර්තා අද අනාවරණ කර තිබුණේ.
