ශ්‍රී ලංකාව කියන්නේ කාලයකට කලින් මුලු ලෝකයම මවිත කරපු රටක්. අහස උසට නැඟුණු මහා දාගැබ් ,බටහිර ඉංජිනේරුවන් මවිත කළ නගර සැලසුම්, රෝහල් සැලසුම් හා කලා ශිල්ප, ලෝකයේ අටවැනි පුදුමය විදියට හදුන්වපු සීගිරිය, නවීන තාක්ෂණය උපයෝගී කරගන්නා වාරිමාර්ග මිනින්දෝරුවන් පවා විශ්මයට පත්කරන යෝධ ඇළේ බැස්ම,අහසින් වැටෙන එක දිය බිඳක්වත් මුහුදට යන්නට නොදී හදපු මහා පරාක්‍රමබාහු සමුද්‍රය වගේම සම්පූර්ණයෙන්ම කළු ගලින් නිර්මාණය කල ජවහල්ලාර් නේරු තුමාගේ ඇසින් කදුළු වැටෙන්නට තරම් සංවේදි වුන සමාධි බුදු පිලිමය වගේ මුලු ලෝකයක් පුදුමයට පත් කරවපු නිර්මාණ දහස් ගනනක් ශ්‍රී ලංකාවේ අතීතය ගැන කතා කරනකොට මතක් කරන්න අපිට පුලුවන්.
අපි අද කතා කරන්න යන්නේ අපේ අතීතයේ අපි සතුව තිබුන මෙතෙක් ලෝකයට හෙලි නොවුණ අපේ රටේම සැගවිලා තියෙන විශ්මිත තාක්ෂණික හැකියාවන් කිහිපයක් ගැනයි. මේ තාක්ෂණික ක්‍රම ටික හරියට ප්‍රයෝජනයට ගත්තොත් අපේ රටම ගොඩ දාන්න අපිට පුලුවන්. ඉතින් ලෝකෙන්ම හැංගිලා අපේ රටේ ආරක්ෂා වෙලා තියෙන මේ නිධානය ගැන හැම විස්තරයක්ම මේ වීඩියෝවෙන් ඔයාලා වෙත ගෙන එන්න අපි සූදානම්
