නව ආණ්ඩුක්රමයක් පිළිබඳ කතිකාව යලිත් වරක් සමාජයට මාතෘකාවක් බවට පත් වූයේ අගමැතිනියගේ ප්රකාශයක් සමගය. අපේ රටේ ඇත්තේ 21 වතාවක් අණ්ඩ දැමූ ව්යවස්ථාවකි. ඒ සෑම විටකම “යහපාලනය, සාධාරණත්වය, ප්රජාතන්ත්රවාදය” වැනි අදහස් පෙරටු කරගෙන ආවද, එම සංශෝධනයන් කුමක්ද, ඒවායේ සැබෑ අරමුණ කුමක්ද? යන්න කිසිවෙකුට අවබෝධයක් තවමත් නොපවතී. රටේ පළමු ලිඛිත නීතිය වන ව්යවස්ථාව යනු රටේ සෑම පුරවැසියකුටම එක සේ බලපාන නීතියයි. ඒ නිසා එම ව්යවස්ථාවට කරන්නා වූ ඕනෑම සංශෝධනයක් ගැන දැඩි අවධානයෙන් සිටිය යුතුය.
අපට දැනට දැනගන්නට ඇති ආකාරයට මෙම නව ව්යවස්ථාව පිලිබඳ කතාව අගමැතිනිය මාධ්යයට ගෙන ඒමට පෙර සිටම, කාටත් හොරා ව්යවස්ථා සංශෝධන ක්රියාවලිය සක්රියව පැවතී තිබේ. මෙය සැකසුවේ කවුරුන්ද යන්න සොයාගැනීමට නැතත්, එම ව්යවස්ථා කෙටුම්පත https://citizensconstitution.lk නම් අඩවියක ඇති බව අපට වාර්තා වේ.
ව්යයවස්ථා ප්රතිසංස්කරණ ක්රියාවලියෙහි නිරත වන ඊනියා බටහිර විද්වතුන් බෝහෝ ස්ථානවල ප්රකාශ කරන කරුණක් වන්නේ නවවැනි වගන්තිය ඉවත් කළ යුතු බවයි. ශ්රී ලංකා ව්යවස්ථාවේ නවවන වගන්තිය කිසිදු දිනක කිසිදු අන්යාගමිකයකුට හිසරදයක් වී නොමැත. කිතුනු ජනයාගේ ආගමික නායකයා වන අතිඋතුම් කාදිනල් හිමිට අනුව පවා මේ රටේ රටේ ආගමික සහ සංස්කෘතික අනන්යතාව ආරක්ෂා කිරීමට නම් බුද්ධාගම ප්රමුඛස්ථානයේ ලා සැලකිය යුතු වේ. ඒ අනුව අප ප්රශ්න කළ යුතු වන්නේ මෙම නවවන වගන්තිය හිසරදයක් වී ඇත්තේ කාටද, මක්නිසාද යන්නයි.
මෙතෙක් පැවැති ව්යුහයන් බිඳ වැටී ව්යුහයන් රහිත පශ්චාත් ව්යුහවාදී ලෝකයක් තුළ වුවද ආගම තුළ ඇති වටිනාකම තවදුරටත් නොනැසී පවතී. ජනතාව ආගම තුළ ඇති වටිනාකම් මනාව තේරුම්ගෙන ඇත. මෙය ලෝකයේ අනිත් රාජ්යයන් සේම ශ්රී ලංකාවට ද පොදු වූ කරුණකි. ඒ අනුව වසර දහස් ගණනක් තිස්සේ මෙරට ජනතාවගේ වටිනාකම් සහ ගුණධර්ම මතින් පෝෂණය වූ බුද්ධාගම ප්රමුඛස්ථානය ලා සැලකීම වරදක් වන්නේ කෙසේදැයි අපට එම මහත්වරුන්ගෙන් ප්රශ්න කළ යුතුය.
රටක උරුමයන් සුරැකීම රාජ්යන් සතු වගකීමකි. එය කිසිදක වරදක් විය නොහැකිය. ඒ අනුව රාජ්යක වටිනාකම් සහ උරුමයන් එම මහත්වරුන්ට අවශ්ය පරිදි සංශෝධනය කිරීමට ජනතාව කිසි දිනෙක ඉඩ නොදෙනු ඇත. අප ජනතාවට අවධාරණය කරන්නේ මේ අලුත් කෙටුම්පත ගැන දැඩි අවධානයෙන් සිටින ලෙසයි.
