වැඩි වැඩියෙන් දරුවන් හදන ලෙස රුසියානු ජනපති ව්ලැඩිමීර් පුටින් සිය ජනතාවගෙන් ඉල්ලීමක් කර තිබේ.
ඔහු පවසන්නේ සෑම පවුලකම අවම වශයෙන් දරුවන් දෙදෙනෙක් වත් සිටීම වැදගත් බවය.
ජාතියක් වශයෙන් පැවැත්ම සඳහා එය වැදගත් බව ඔහු පැවසීය.
2022 වසරේදී රුසියානු හමුදාව තම අසල්වැසි යුක්‍රේනය ආක්‍රමණය කළ අතර මේ වනවිට එම යුද්ධය හේතුවෙන් රුසියානුවන් විශාල ගණනක් මියගොස් ඇති අතර එසේම විශාල පිරිසක් රට හැරගොස් තිබේ.
“අපිට ජාතියක් වශයෙන් පැවැත්ම සඳහා අවම වශයෙන් එක් පවුලක දරුවන් දෙදෙනෙක් වත් සිටිය යුතුයි. එක දරුවෙක් පමණක් හැදුවොත් අපේ ජනගහනය අඩුවෙයි…,” කර්මාන්ත ශාලාවක සේවකයින් පිරිසක් අමතමින් රුසියානු ජනාධිපතිවරයා පැවසීය.
2023 වසර ආරම්භයේදී රුසියාවේ ජනගහනය මිලියන 146.4ක් ලෙස සඳහන් විය.
