ව්‍යාපාරික ලලිත් කොතලාවලගේ මරණය හෘදයාබාධයක් හේතුවෙන් සිදු වූ හදිසි මරණයක් බව ඊයේ (31) තීන්දු කළ කොළඹ අතිරේක මහේස්ත්‍රාත් පසන් අමරසිංහ, ඒ අනුව, ලලිත් කොතලාවලගේ මරණ සහතිකය ඔහුගේ ඥාතීන් වෙත භාර දෙන ලෙස අධිකරණ රෙජිස්ට්‍රාර්වරයාට නියෝගයක් නිකුත් කළා.
ලලිත් කොතලාවලගේ මරණයට හේතුව සම්බන්ධයෙන් මහේස්ත්‍රාත් පරීක්ෂණ තීන්දුව ප්‍රකාශයට පත් කරමින් මහේස්ත්‍රාත්වරයා මේ නියෝගය නිකුත් කළේ අධිකරණ වෛද්‍ය රාජපක්ෂ විසින් ඉකුත් 22 දා අධිකරණයට භාර දෙනු ලැබූ මරණ පරීක්ෂණ වාර්තාව, රජයේ රස පරීක්ෂක වාර්තාව සහ සාක්ෂිකරුවන්ගේ ගත් සාක්ෂි සැලකිල්ලට ගනිමින්.
කොතලාවලගේ මරණය සැක සහිත බවට ඔහුගේ බිරියගේ සහෝදරිය වන ෂෙරින් පේෂන් විජේරත්න යන අය බම්බලපිටිය පොලිසියට කළ පැමිණිල්ලකට අනුවයි මේ නඩුව අධිකරණය හමුවේ කැඳවනු ලැබුවේ.
