සංචාරක බටහිර ඉන්දීය කොදෙව් කාන්තා කණ්ඩායම සහ ශ්රී ලංකා කාන්තා කණ්ඩායම අතර අද (15) පැවැති එක්දින ජාත්යන්තර තරගය කඩුලු 6කින් ජය ගැනීමට ශ්රී ලංකා කණ්ඩායම සමත්වුණා.
තරගය පැවැත්වුනේ හම්බන්තොට ක්රීඩාංගනයේදියි.
තරගයේ කාසියේ වාසිය දිනූ ශ්රී ලංකා කාන්තා ක්රිකට් කණ්ඩායම පළමුව පන්දුවට පහරදීමේ අවස්ථාව කොදෙව් කාන්තා කණ්ඩායමට ලබා දුන්නා.
ඒ අනුව කොදෙව් කාන්තා කණ්ඩායම පන්දුවාර 47යි එක් පන්දුවක් තුළ සියලු දෙනා දැවී ලකුණු 195ක් ලබා ගත් අතර කොදෙව් කණ්ඩායම වෙනුවෙන් Hayley Matthews ලකුනු 38ක් රැස් කළා.
පන්දු යැවීමේදි සුගන්දිකා කුමාරි සහ කවීෂා දිල්හාරි කඩුලු 03 බැගින් දවා ගත්තා.
ලකුනු 196ක ඉලක්කය හඹා ගිය ශ්රී ලංකා කාන්තා කණ්ඩායම පන්දුවාර 34යි එක් පන්දුවක් අවසානයේ කඩුලු 4ක් දැවී සිය ජයග්රහණය වාර්තා කිරීමට සමත්වුණා.
