ජනාධිපති පොදු සමාව යටතේ සැකකරුවෙකු නිදහස් කිරීම සම්බන්ධයෙන් නඩු පැවරී ඇති අනුරාධපුර බන්ධනාගාර අධිකාරි මොහාන් කරුණාරත්න මහතා මේ මස 23 වනදා දක්වා යළි රක්ෂිත බන්ධනාගාරයට ගත කිරීමට අනුරාධපුර ප්‍රධාන මහේස්ත්‍රාත්වරයා විසින් නියෝග ලබා දී ඇත.
පෙර දිනවලදී අත්අඩංගුවට ගෙන අධිකරණය වෙත ඉදිරිපත් කළ ඔහුට එදා සිට රක්ෂිත බන්ධනාගාරයෙහි තැබීමේ නියෝගය ලබා දී තිබුණා. අද අනුරාධපුර මහේස්ත්‍රාත් අධිකරණය හමුවේ නැවත කැඳවා ඇති මෙම නඩුවේදීද අධිකාරි මොහාන් කරුණාරත්න මහතා ආරක්ෂිත බන්ධනාගාරයට යළි භාරදීමට අධිකරණය තීරණය කළේය.
