වසර දහයකට පමණ පසුව දඹුල්ල ආර්ථික මධ්යස්ථානයේ බෝංචි කිලෝවක තොග මිල ඊයේ වන විට රුපියල් හතළිහත් පනහත් අතර මිලකට පහත වැටී ඇතැයි දඹුල්ල ආර්ථික මධ්යස්ථානයේ වෙළෙන්දන් පවසනවා.
සෑම එළවළු වර්ගයකම මිල සීග්රයෙන් පහත වැටීම හේතුවෙන් එළවළු අලෙවි කර ගැනීමට නොහැකි තත්ත්වයක පසුවන බවයි ඔවුන් පෙන්වා දෙන්නේ.
පසුගිය දින කිහිපයේම දිනෙන් දින ආර්ථික මධ්යස්ථානයට එළවළු තොග ලැබීම වැඩිවීම සහ එළවළු මිලදී ගැනීම සඳහා පැමිණෙන වෙළෙන්දන් අඩුවීම එළවළු මිල පහත වැටීමට හේතු වී තිබෙනවා.
ඊයේ දහවල් වන විට දඹුල්ල ආර්ථික මධ්යස්ථානයට එළවළු කිලෝ ලක්ෂ දහයකට අධික ප්රමාණයක් ලැබී තිබුණා.
සෑම එළවළු වර්ගයකම මිල සීඝ්රයෙන් පහත වැටීමට, විශේෂයෙන් බෝංචි කිලෝව රුපියල් හතළිහක් පනහක් දක්වා පහත වැටීමට එය හේතු වූ බවයි දඹුල්ල ආර්ථික මධ්යස්ථානයේ වෙළෙඳ සංගමයේ සභාපති සී එස් සිරිවර්ධන පැවසුවේ.
බණ්ඩක්කා, වැටකොලු, කැකිරි, පිපිඤ්ඤා, වම්බටු යන එළවළු වර්ගවල කිලෝවක තොග මිල රුපියල් පහළොවත් හතළිහත් අතර වන බවද ඔහු කියා සිටියා.
දඹුල්ල ආර්ථික මධ්යස්ථානයට එළවළු රැගෙන ආ ගොවීන් සඳහන් කලේ මේ දිනවල තමන්ට එළවළු ප්රවාහනය කිරීමට වැයවන මුදලවත් සොයා ගැනීමට නොහැකි වී ඇති බවයි.
අමු මිරිස්, නෝකෝල්, තක්කාලි, බණ්ඩක්කා, මෑ කරල් වැනි එළවළු වර්ග අලවි නොවීම නිසා ගොවීන් අසීරුතාවයකට පත්ව සිටිනවා.
ඇතැම් ගොවීන් පැවසුවේ කුමන හෝ මිලකට මෙම එළවළු තොග ලබා දී තමන්ට නිවෙස්වලට යෑමට සිදුව ඇති බවයි.
