ඊයේ (17) දිනයේ පැවති තෙවන එක්දින තරගයේදී කඩුලු 6ක ජයක් හිමිකර ගැනීමත් සමග දකුණු අප්රිකානු කාන්තා කණ්ඩායම සමග පැවති එක්දින ක්රිකට් තරගාවලිය තරග දෙකකට එකක් ලෙස ජය ගැනීමට සංචාරක ශ්රී ලංකා කාන්තා කණ්ඩායම සමත්ව තිබෙනවා.
තරගයේ ප්රථමයෙන් පන්දුවට පහරදුන් දකුණු අප්රිකානු කාන්තා කණ්ඩායම නියමිත පන්දුවාර 50 තුළ කඩුලු 5ක් දැවී ලකුණු 301ක් ලබා ගැනීමට සමත් වුණා.
එහිදී ලෝරා වොල්වාඩ් නොදැවී ලකුණු 184ක් ලබාගත්තා.
ශ්රී ලංකා කාන්තා කණ්ඩායම පන්දුවාර 44යි පන්දු 3ක් තුළ කඩුලු 4ක් පමණක් දැවී ලකුණු 305ක් ලබා ගනිමින් ජයග්රහණය වාර්තා කළ අතර කාන්තා කණ්ඩායමක් එක්දින තරගාවලියක ඉහළ ලකුණු සංඛ්යාවක් හඹාගොස් ජය වාර්තා කිරීමේ පළමු අවස්ථාව මෙය වනවා.
චමරි අතපත්තු නොදැවී ලකුණු 195ක් ලබාගත් අතර ඊට හයේ පහර 5ක් සහ හතරේ පහර 26ක් ඇතුළත්.
එක්දින ක්රිකට් තරගයක කාන්තා ක්රීඩිකාවක් ලබාගත් ඉහළම තෙවැනි ලකුණු සංඛ්යාව මෙයයි.
