යුක්තියෙන් ඇල්ලූ මත්ද්රව්ය විනාශ කිරීම සඳහා පුත්තලම, වනාතවිල්ලුව ප්රදේශයේ ඉදිකර තිබෙන අධිබලැති උඳුනේ ප්රථම මත්ද්රව්ය තොගය විනාශ කිරීම අද (මැයි 18) සවස 5:00ට සිදුකිරීමට නියමිතව ඇත.
මහජන ආරක්ෂක අමාත්ය ටිරාන් අලස් හා පොලිස්පති දේශබන්දු තෙන්නකෝන් යන අයගේ සහභාගිත්වයෙන් මෙය කරනු ඇත.
මෑතකදී නඩු කටයුතු අවසන් වූ පාකිස්තාන ජාතිකයන් 07 දෙනෙකු සන්තකයේ තිබී භාරයට ගත් හෙරොයින් කිලෝග්රෑම් 279 ග්රෑම් 591ක් හා මෙතම්ෆෙටමින් හෙවත් අයිස් මත්ද්රව්ය කිලෝග්රෑම් 45ක් ග්රෑම් 654ක ප්රමාණයක් අද විනාශ කෙරෙනු ඇත.
මෙම මත්ද්රව්ය තොගය සෙල්සියස් අංශක 800-1200 අතර දක්වා උෂ්ණත්වයකින් විනාශ කිරීම සිදු කළ යුතු අතර, ඒ සඳහා පැය 8ක කාලයක් ගත වන බව පොලිස් මාධ්ය කොට්ඨාසය සඳහන් කරයි.
රුපියල් මිලියන 11කට අධික මුදලක් වැය කර මෙම අධිබලැති උඳුන ශ්රී ලංකා පොලිසියේ වියදමින් මිලදී ගෙන ස්ථාපානය කර තිබේ.
