මාර්ග අනතුරු අවම කර ගැනීම සඳහා වේග සීමා සම්බන්ධයෙන් අවශ්ය කෙරෙන රෙගුලාසි ඇතුළත් ගැසට් පත්රය ඉදිරි සති දෙක ඇතුළත නිකුත් කිරීමට තීරණය කර තිබෙන බව ප්රවාහන රාජ්ය අමාත්ය ලසන්ත අලගියවන්න මහතා පවසනවා.
‘ස්ථාවර රටකට සැවොම එක මඟකට’ මැයෙන් අද (11) ජනාධිපති මාධ්ය කේන්ද්රයේ පැවති ප්රවෘත්ති සාකච්ඡාවට එක්වෙමින් ඔහු ඒ බව සඳහන් කළා.
මාර්ග ආශ්රිත වේග පාලනය කිරීම සඳහා අවශ්ය යන්ත්ර මිලදී ගැනීම වෙනුවෙන් ශ්රී ලංකා පොලීසියට මාර්ග ආරක්ෂාව පිළිබඳ ජාතික සභාව විසින් රුපියල් මිලියන 50ක මුදලක් ලබාදීමට තීරණය කර තිබෙන බව අමාත්යවරයා පැවසුවා.
එමෙන්ම පාසල් මට්ටමින් මාර්ග ආරක්ෂණ සංසඳ (Road Safety Club) පිහිටුවීමට අවශ්ය කෙරෙන අත්පොත් ගුරුවරුන්ට ලබාදීමට ද කටයුතු කර තිබෙන බව ඔහු වැඩිදුරටත් සඳහන් කලා
