සිව්වන වරට පැවැත්වෙන ලංකා ප්‍රිමියර් ලීග් ක්‍රිකට් තරගාවලියේ අවසන් මහා තරගය කොළඹ ආර්.ප්‍රේමදාස ක්‍රිකට් ක්‍රීඩාංගණයේ දී අද (20) පැවැත්වීමට නියමිතයි.
තරගාවලියේ සමාප්ති උලෙළ පස්වරු 06ට ආරම්භ වීමට නියමිත අතර, බී ලව් කැන්ඩි සහ දඹුල්ල අවුරා කණ්ඩායම් අතර පැවැත්වෙන අවසන් මහා තරගය රාත්‍රී 07.30ට ආරම්භ වීමට නියමිත ව තිබේ.
එම කණ්ඩායම් දෙකම එල්.පී.එල් තරගාවලියක අවසන් මහා තරගයට සුදුසුකම් ලබාගත් පළමු අවස්තාව මෙය වීම විශේෂත්වයකි.
මේ දක්වා පැවති තරගාවලි තුනේදීම ශූරතාව හිමිකරගැනීමට සමත්වූයේ, ජැෆ්නා කිංග්ස් කණ්ඩායමයි.
මේ අතර, මෙවර තරගාවලියේ වැඩිම කඩුලු ලාභියා මෙන්ම වැඩිම ලකුණු ලාභියා බවට බී ලව් කැන්ඩි කණ්ඩායමේ වනිඳු හසරංග පත්ව තිබීම විශේෂත්වයකි.
