දියතලාව,ෆොක්ස් හිල් සුපර් ක්‍රොස් මෝටර් රථ තරගාවලියේ දී අනතුර සිදුව ඇත්තේ සුබාරු ලෙගසි වර්ගයේ මෝටර් රථයක්
නරඹන්නන් දෙසට පෙරළී යාමෙන් බවයි වාර්තා වන්නේ.
මෙම අනතුරින් ජිවිතක්ෂයට පත් වු අය අතර වැලිමඩ ඩයරබා ප්‍රදේශයේ පදිංචි එකම පවුලේ මිත්තණිය හා මිණිපිරිය ද වනබව හඳුනාගෙන තිබෙනවා.
ෆොක්ස්හිල් ධාවන තරගයේ සංවිධායකයින් සිව්දෙනෙක් ද ජීවිතක්ෂයට පත් වූ පිරිස අතර සිටිනවා.
ධාවනය වූ මෝටර් රථයක් වේගය පාලනය කරගත නොහැකිව පෙරළී ගොස් තිබෙන අතර, දකුණු පස සිටි නරඹන්නන් පිරිසක් ධාවන පථය ආසන්නයටම පැමිණ තිබුණේ එම අවස්ථාවේදී යි.
එහිදී නරඹන්නන් කලබලයට පත්ව තිබූ අතර ඔවුන්ව මගහැර ධාවනය කිරීමට මෝටර් රථයක රියැදුරු උත්සාහ කළ අවස්ථාවේ අධික වේගයෙන් ධාවනය වෙමින් පැවති එම මෝටර් රථය මාර්ගයෙන් ඉවතට පැන නරඹන්නන් දෙසට පෙරළී තිබුණා.
